විදෙස්ගත ශ්රී ලාංකිකයන්ට ඡන්ද ප්රකාශ කිරීමට නිර්දේශ
April 28, 2026
0 Comments
මෙරට මැතිවරණ වලදී විදේශගතවී සිටින ශ්රී ලාංකිකයන්ට ඡන්දය ප්රකාශ කිරීම සඳහා අවශ්ය නීතිමය සහ ප්රායෝගික ක්රමවේද සකස් කිරීම වෙනුවෙන් පත්කළ විශේෂ කමිටුවේ නිර්දේශ ඇතුළත් වාර්තාව රාජ්ය පරිපාලන, පළාත් සභා හා පළාත් පාලන අමාත්යවරයා වෙත නිල වශයෙන් භාරදී ඇත.
විවිධ දේශපාලන පක්ෂ සහ සිවිල් සංවිධාන 16ක පමණ අදහස් ඇතුළත් එම වාර්තාව අමාත්ය මණ්ඩලයට ඉදිරිපත් කිරීමෙන් පසුව පුළුල් ලෙස සාකච්ඡා කර ඉදිරි පියවර ගැනීමට රජය සූදානම් බව අමාත්ය චන්දන අබේරත්න සඳහන් කරයි.
මෙම වාර්තාව සකස් කිරීමේදී විදේශගත ශ්රමිකයන්, ශිෂ්යයන්, ද්විත්ව පුරවැසියන් සහ වෙනත් අවශ්යතා සඳහා විදේශගත වූවන් ලෙස පුද්ගලයන් කාණ්ඩ හතරකට හඳුනාගෙන තිබෙන බව කමිටු සභාපති අතිරේක මැතිවරණ කොමසාරිස් නීතිඥ එල්.ඒ.පී.කේ. කුලරත්න සඳහන් කරයි.
එම ක්රියාවලිය ප්රධාන අංශ 04ක් ඔස්සේ ක්රියාත්මක කිරීමට යෝජනා කර ඇති බවද අතිරේක මැතිවරණ කොමසාරිස් නීතිඥ එල්.ඒ.පී.කේ. කුලරත්න සඳහන් කරයි.
විදේශගත ශ්රමිකයන්, සිසුන් සහ ද්විත්ව පුරවැසියන් විධිමත් ලෙස ලියාපදිංචි කිරීමේ ක්රමවේදය, විදේශයන්හි සිටින ඡන්ද දායකයන් සඳහා ප්රචාරණ කටයුතු සිදු කිරීම සහ මැතිවරණ වියදම් නියාමන පනතේ බලපෑම, තානාපති කාර්යාල හරහා, තැපැල් මගින් හෝ ආරක්ෂිත මාර්ගගත (Online) ක්රමවේද භාවිතයෙන් ඡන්දය ප්රකාශ කිරීමේ ඇති හැකියාව සහ ඡන්දය ගණන් කිරීම සහ ප්රතිඵල නිකුත් කිරීම එම ප්රධාන අංශ 4යි.
Share this with your friends
Share on Facebook (Opens in new window)
Facebook
Share on Telegram (Opens in new window)
Telegram
Share on WhatsApp (Opens in new window)
WhatsApp
Share on X (Opens in new window)
X
විදෙස්ගත ශ්රී ලාංකිකයන්ට ඡන්ද ප්රකාශ කිරීමට නිර්දේශ
