Disgrifiad o’r llun,
Fe ddigwyddodd y gwrthdrawiad ar yr A478 ym Mhentregalar fis Gorffennaf y llynedd
Gan
Elen Davies
Gohebydd BBC Cymru
Cyhoeddwyd
1 awr yn ôl
Mae dyn 57 oed wedi ymddangos yn y llys wedi ei gyhuddo o achosi marwolaeth drwy yrru'n beryglus yng ngogledd Sir Benfro y llynedd.
Roedd Timothy Minett, 78, yn gwirfoddoli i elusen Beiciau Gwaed Cymru pan fu ei feic modur mewn gwrthdrawiad â fan wen Volkswagen Crafter ar yr A478 ym Mhentregalar ar 2 Gorffennaf 2025.
Bu farw Mr Minett yn y fan a'r lle
Cafodd Roger King o Hermon ei arestio mewn cysylltiad â'r digwyddiad ac mae bellach wedi ei gyhuddo.
Cafodd ei ryddhau ar fechnïaeth ddiamod ac mae disgwyl iddo ymddangos yn Llys y Goron Abertawe ar 29 Mai.
Arestio gyrrwr fan wedi marwolaeth beiciwr modur elusen gwaed
Cyhoeddwyd
3 Gorffennaf 2025
Teyrnged i ddyn 78 fu farw wrth gludo gwaed ar ran elusen
Cyhoeddwyd
10 Gorffennaf 2025
Wrth ymddangos yn Llys Ynadon Hwlffordd ddydd Mawrth, cadarnhaodd Mr King ei enw, ei ddyddiad geni a'i gyfeiriad, ac ni ofynnwyd iddo gyflwyno ple.
Roedd aelodau o deulu Mr Minett yn bresennol yn y llys.
Yn dilyn y gwrthdrawiad, cafodd Mr Minett ei ddisgrifio mewn teyrnged gan ei deulu fel "gŵr, llystad, taid, brawd, ewythr a ffrind ymroddedig".
Roedd Timothy Minett yn gwirfoddoli gydag elusen Beiciau Gwaed Cymru adeg y gwrthdrawiad.
Mae'r elusen yn darparu gwasanaeth cludo am ddim i'r gwasanaeth iechyd, gan gario eitemau fel gwaed a phlasma ar draws y wlad.
Dilynwch Cymru Fyw ar
Facebook
,
dolen allanol
,
X
,
dolen allanol
,
Instagram
,
dolen allanol
neu
TikTok
,
dolen allanol
.
Anfonwch unrhyw syniadau am straeon i
cymrufyw@bbc.co.uk
,
dolen allanol
neu cysylltwch drwy WhatsApp ar 07709850033.
Lawrlwythwch yr ap
am y diweddaraf o Gymru ar eich dyfais symudol.
Pynciau cysylltiedig
Heddlu Dyfed Powys
Achosion llys
De Orllewin